Müğənninin 4500 dollarlıq ayaqqabısı məsciddə oğurlandı

Türkiyənin tanınmış müğənnisi Alişan soyulub. ANS PRESS-in məlumatına görə, məscidə gedən müğənninin ayaqqabıları oğurlanıb.

O, bu barədə xəbəri özü model Çağla Şikellə apardığı "Hər şey daxil" proqramında verib. İfaçı ayaqqabısını 15 aylıq kreditlə çox baha qiymətə aldığını deyib.

"Dünən "möhtəşəm" bir gün idi. Heyyətlə birgə Ataköy məscidinə getdik. Yoldaşlarımızdan birinin atası vəfat etmişdi. Namaz qılıb çıxandan sonra ayaqqabılarımı qoyduğum yerdə tapa bilmədim. Məsciddə ayaqqabısız qaldım. İnşallah ehtiyacı olan birinə gedib. Hələ də o ayaqqabının borcunu verirəm. Yeganə olduğu üçün çox baha idi. Birinin ayağında görsəm ağzını, burnunu..."

Qeyd edək ki, Alişanın ayaqqabısının qiyməti 4500 dollar olub. Ayaqqabı təbii dəridəndir, üzəri isə almaz qaşlarla bəzədilib.