Böyük Britaniyada partlayış

Böyük Britaniyanın Mersisayd qraflığındakı yaşayış binalarından birində əvvəl partlayış, daha sonra isə yanğın baş verib.

Virtualaz.org xarici KİV-ə istinadən bildirir ki, ilkin ehtimala görə, partlayışa qaz sızması səbəb olub.

Partlayışın baş verdiyi bina tamamilə dağılıb. Son məlumata görə, 32 nəfər yaralanıb. Onlardan 2-sinin vəziyyətinin ağır olduğu bildirilir.

Zərərçəkənlərin hamısı yaxınlıqdakı Çin restoranının müştəriləri olublar.

Ətrafdakı digər binalara da ziyan dəyib.

Hadisə yerinə yanğınsöndürən, polis və həkim briqadaları cəlb edilib.

Hadisənin səbəbləri dəqiqləşdirilir.