Azərbaycanda diri-diri yandırılan qadınla bağlı MARAQLI MƏLUMAT – FOTO

Noyabrın 7-də Gəncədə törədilən dəhşətli qətl hadisəsi ilə bağlı bəzi maraqlı məqamlar aydın olub. Lent.az-ın əldə etdiyi məlumata görə, noyabrın 7-də saat 02 radələrində Gəncə şəhəri Kəpəz rayonu, Ü.Hacıbəyli küçəsində (Tekstil adlanan ərazi) yaşayan 47 yaşlı Pərvanə İsmayılovanın qətli ilə bağlı zəruri əməliyyat axtarış tədbirləri davam etdirilir. İlkin araşdırma zamanı məlum olub ki, amansızlıqla öldürülən qadın özünə məxsus 1 otaqlı evdə tək yaşayırmış. O, müxtəlif şəxslərə faizlə pul verməklə sələmçiliklə məşğul imiş.

P.İsmayılovanın kim tərəfindən yandırılaraq öldürülməsi isə hələlik məlum deyil.

Qeyd edək ki, noyabrın 7-nə keçn gecə P.İsmayılovaya məxsus evdə yanğın törədilib. Yanğınsöndürənlər alovu söndürdükdən sonra evdə 47 yaşlı P.İsmayılovanın əl və ayaqları naqillə bağlanmış vəziyyətdə olan, qismən yanmış meyiti tapılıb.