Tələbə qəbulu qaydalarında dəyişiklik » AzNews.info -Xəbər portalı

Bölmə: Sosial » Təhsil

Tələbə qəbulu qaydalarında dəyişiklik

Tələbə qəbulu qaydalarında dəyişiklik

Azərbaycanda ali təhsilin bütün səviyyələri və orta ixtisas təhsili müəssisələrinə tələbə qəbulu qaydaları Nazirlər Kabineti tərəfindən müəyyən ediləcək.

Oxu.Az xəbər verir ki, Nazirlər Kabinetindən Trend-ə verilən məlumata görə, bununla əlaqədar “Rezidentura təhsilinin məzmunu və təşkili Qaydaları”, “Magistratura təhsilinin məzmunu, təşkili və “magistr” dərəcələrinin verilməsi Qaydaları”, “Bakalavriat təhsilinin məzmunu və təşkili Qaydaları” və “Orta ixtisas təhsili müəssisəsinin Nümunəvi Nizamnaməsi”nə dəyişiklik edilib.

Bu dəyişikliklərə əsasən, rezidenturaya, magistraturaya və bakalavriat səviyyələrinə və orta ixtisas təhsili müəssisələrinə tələbə qəbulu Nazirlər Kabineti tərəfindən müəyyən edilmiş qaydada həyata keçiriləcək.

İndiyədək isə tələbə qəbulları Tələbə Qəbulu üzrə Dövlət Komissiyası (rezidentura səviyyəsi üzrə isə Səhiyyə Nazirliyi ilə razılaşdırmaqla) tərəfindən müəyyən edilmiş qaydada həyata keçirilirdi.

Qəbul Dövlət İmtahan Mərkəzi tərəfindən həyata keçiriləcək.

Qeyd edək ki, Azərbaycanda cari ilin aprel ayında təsdiq edilmiş Dövlət İmtahan Mərkəzinin (DİM) Nizamnaməsinə əsasən, DİM publik hüquqi şəxsdir (TQDK və DQMK kimi mərkəzi icra hakimiyyəti orqanı deyil) və gələn ildən DİM-ə müvafiq fərmanla həvalə olunmuş vəzifələrin həyata keçirilməsi üçün dövlət büdcəsindən maliyyə vəsaitinin ayrılması nəzərdə tutulmayıb.

Mənbə: Oxu.Az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *