9-cu sinif şagirdinə qoşulub qaçan 17 yaşlı qız Bakıda özünü asdı » AzNews.info -Xəbər portalı

Bölmə: Sosial, Hadisə

9-cu sinif şagirdinə qoşulub qaçan 17 yaşlı qız Bakıda özünü asdı

9-cu sinif şagirdinə qoşulub qaçan 17 yaşlı qız Bakıda özünü asdı

Beyləqan rayonunda evdən qaçan 17 yaşlı Aytac Mahmudova özünü Bakıda bibisi evində asıb.

Bu barədə ANS TV-nin “Sən tək deyilsən” verilişində bildirilib.

Aytac Mahmudova dünən Ramana qəsəbəsində bibisinin evində intihar edib. Deyilənlərə görə, Aytac Mahmudova özündən bir yaş kiçik oğlana qoşulub Sabirabada qaçıbmış. Sonradan oğlanın ailəsi bundan xəbər tutub və Aytacı qəbul etməyib. Bu səbəbdən oğlan Aytacı atası evinə qaytarmaq istəyib. Lakin qız qayıtmaq istəməyib.

Belə olan halda oğlanla qız Bakıya getməyi planlaşdırıblar. Plana görə, Bakıya öncə Aytac gedib. Lakin sevdiyi oğlanın gəlmədiyini gördükdə ona zəng vurub. Ancaq zənglərə cavab verən olmayıb.

Aytac Mahmudovanın yataq xəstəsi olan atası deyir ki, qızının paytaxtda olduğu barədə ona yaxınları məlumat veriblər. Ata da dərhal Bakıda yaşayan bacısına zəng vurub. Bununla da Aytac bibisinin evinə gedib. Orada da sevdiyi oğlana zəng vurub. Lakin sevdiyi oğlanın etibarsiz olduğunu görən Aytac Mahmudova canına qıyıb.

Qeyd edək ki, Beyləqan rayonunda orta məktəbin 10-cu sinfində təhsil alan 17 yaşlı Aytac Mahmudova ötən ay evlərindən qaçmışdı. Qızın anası bildirib ki, qızını özündən bir yaş kiçik, 9-cu sinif şagirdi olan oğlan qaçırıb. Aytac evdən çıxarkən ailəsinə məktub da yazıb. Qız məktubda ailəsindən incik olduğunu xüsusi vurğulayıb.

Mənbə: ANSPRESS
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *