Güclü yağış rayonlara ziyan vurdu

Bu gün gecə saatlarında Samux rayonu ərazisinə yağan güclü yağış fəsadsız ötüşməyib.

AzNews.info Report-a istinadən xəbər verir ki, leysan Kürqırağı kəndlərlə yanaşı Gürcüstanla həmsərhəd olan Eldar ve Burunqovaq kəndlərinə ciddi ziyan vurub.

Güclü sel Qırmızı Samux kəndi ilə rayon mərkəzini birləşdirən körpünü yuyub aparıb. Sel suları, həmçinin, Lüksenburq ve Yenikənd kəndlərində fərdi yaşayış evlərinə və təsərrüfatlara ziyan vurub.

Təbii fəlakət nəticəsində insan tələfatı qeydə alınmayıb, lakin vətəndaşlara ciddi maddi ziyan deyib.

Hazırda rayon Fövqəladə Hallar Komissiyası dəyən ziyanın miqdarını müəyyənləşdirməklə yanaşı, fəsadların aradan qaldırılması ilə məşğuldur.

Tovuzda isə yağıntı nəticəsində rayonda ciddi problemlər yaranmasa da, kənd təsərrüfatına, xüsusilə də, kartof sahələrinə ziyan dəyib.

Hazırda qərb bölgəsində şimşəklə müşayiət edilən yağıntılı hava şəraiti müşahidə olunur.