Batan gəmidə 8 azərbaycanlı (SİYAHI)

Oxot dənizində batan Rusiyaya məxsus gəmidə azərbaycanlı olduqları ehtinmal edilənlərin adları məlum olub.

ANS PRESS-in Rusiya mətbuatına istinadən verdiyi məlumata görə, onlar aşağıdakılardır:

F.S. Abdullayev (matros), M.S. Səfərov (matros), İ.Q. Sadiqov (matros), M.U. Talıbov (dördüncü mexanik), A.M Rəhimov (usta), E.S. Əliyev (usta), Həsənov S.İ. (usta), Y.S. Əliyev (matros).

Talıbov, Sadiqov və Abdullayevin adı xilas edilənlərin siyahısındadır. Digərləri barədə isə hələlik heç bir məlumat yoxdur.

Qeyd edək ki, gəmidə ümumilkdə 132 nəfər olub. Onlardan 78-i rus, 54 isə əcnəbidir. 54 nəfər dünyasını dəyişib. Xilasedilənlərdən bəzilərinin vəziyyəti çox ağırdır. 15 nəfərin isə taleyindən ümumiyyətlə xəbər yoxdur. 26 ekipaj üzvünün Saxalindən olduğu bildirilir. Bundan başqa gəmidə Kamçatka, Stavropol və Azərbaycandan olan şəxslər də olub.

Oxot dənizində batan "Dalniy Vostok" adlı balıq ovlayanların gəmi 104 metr uzunluqda, 16 metr enində olub.