Fabrik fəhləsi ən varlı qadın oldu

Şüşə fabrikində fəhlə işləyən Çjou Qunfa “Apple”, “Samsung” kimi smartfon firmalarına sensorlu ekran şüşələri istehsal edən şirkət yaradaraq Çinin ən zəngin biznesladysi olub.

ANS PRESS-in məlumatına görə, Qunfa 2003-cü ildə qurduğu “Lens Technology” şirkətində 89 faizlik paya sahibdir.

45 yaşlı Çjou Qunfanın fabrikinin 80 mindən çox işçisi var və 2013-cü ildə şirkətin gəliri 3.3 milyard dollar olub.

“Bloomberg” isə hazırda Qunfanın 8 milyard dollarlıq sərvətə sahib olduğunu bildirib.

Mərkəzi Honq Konqda olan “South China Morning Post”un hesabatına görə, hazırda şirkət dünyada satılan smartfonların 21 faizi üçün şüşə istehsal edir.