Müxalifət liderlərindən biri “bandotdel”ə çağırılıb

“Müsavat” partiyasının başqanı Arif Hacılı DİN Baş Mütəşəkkil Cinayətkarlıqla Mübarizə İdarəsinə (“bandotdel”) çağırılıb. Bu barədə Arif Hacılı özü məlumat verib.

Siyasətçi qeyd edib ki, polisə çağırılmasının səbəbini bilmir.

Bundan öncə Arif Hacılı özünün “Facebook” səhifəsində yazmışdı ki, “Müsavat” partiyası “Real” hərəkatı ilə qurultay keçirilməsi üçün ofisin təqdim edilməsi ilə bağlı danışıqlar aparır.