Bağla

AzNews.info



Bölmə: Sosial, Səhiyyə

Baş kardioloqdan geomaqnit qasırğası ilə bağlı XƏBƏRDARLIQ

Baş kardioloqdan geomaqnit qasırğası ilə bağlı XƏBƏRDARLIQ


“Geomaqnit qasırğası daha çox ürək-damar xəstəlikləri, arterial hipertenziya (təzyiqin yüksək olması), ikinci qrup şəkərli diabet xəstəliyi olan insanlara mənfi təsir edir”.

AzNews.info xəbər verir ki, Azərbaycanın baş kardioloqu Faiq Quliyev Report-a açıqlamasında bildirib ki, geomaqnit qasırğası zamanı həmin insanların xəstəliyi daha da üzə çıxır: “Bu zaman təzyiqin artması, şəkərin qalxıb-düşməsi halları müşahidə olunur. Yaşlı insanlar daha həssas olur. Gənc nəsildə həssaslıq göstəricisi zəifdir”.

Mütəxəssis təbiət hadisəsi zamanı sadalanan xəstəliklərdən əziyyət çəkən insanların dərman qəbulunu dayandırmamağı məsləhət görüb.

O qeyd edib ki, təzyiq və şəkərli diabet xəstələri xəstəliklərinin göstəricilərini daim nəzarət altında saxlamalıdırlar: “Həmin xəstələr adi vaxtda bunu bir həftədən bir edirdilərsə, belə olanda, gündəlik yoxlamalıdırlar. Yəni, nəzarət məhz bu günlərdə artmalıdır. Lazım gələrsə, hətta dərmanın qəbul dozasını həm artırmaq, həm də azaltmaq mümkündür. Qasırğanın təsir müddəti bitdikdən sonra hər şey əvvəlki qaydasında olmalıdır”.

“Belə günlərdə evdə və ya bayırda olmağın heç bir fərqi yoxdur. Həmçinin, maqnit qasırğasının kişi və ya qadın xəstələrə təsirinin də fərqi olmur. Əsasən, yaşlı nəsil həssas olur" - deyə F.Quliyev əlavə edib.

Xatırladaq ki, bu gün Günəşin səthində ləkələr müşahidə olunmur, lakin burada formalaşmış tac dəliyinin də çox maraqlı forması var, Günəşin görünən diskinin yuxarı hissəsi boyunca yönəlib, təsiri isə 11 və ya 12 oktyabrdan başlayacaq. Bu təsir, adətən, Yerin maqnit sahəsinin həyəcanlanmasına gətirib çıxarır. Fiziki şəraitdən asılı olaraq (Günəş küləyinin sürəti, planetlərarası maqnit sahəsinin istiqaməti və s.), geomaqnit qasırğası da yarana bilər. Bu dəfə G1 sinifli geomaqnit qasırğası gözlənilir. Hazırda atmosfer təyziqi 760 mm.c.t-dur. Geomaqnit indeksi hazırda Kp isə 0-1 arasında dəyişir (maksimum 9 olur), lakin gün ərzində getdikcə artacaq.

Mənbə: Report

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *