Türkiyənin ən reytinqli serialı bitdi - “Yılmaz Brothers” qovuşdu – VİDEO+FOTO

Show TV-də yayımlanan “İçerde” serialı final bölümü ilə tamaşaçı qarşısına çıxıb. “Qafqazinfo” xəbər verir ki, ekran işin final bölümü üçün böyük qala gecəsi təşkil olunub.

Gecədə layihənin rejissorları, ssenaristləri, prodüserləri, aktyor heyəti iştirak edib. Həmçinin, qaladan əldə olunan gəlir “Minik Kalpler İçerde” fonduna köçürüləcəyi barədə məlumat verilib.

Ekran işinin Sarpı və Umudu üçün xoşbəxt sonluqla bitən serial Celal Baba üçün heç də xoş olmayıb. Belə ki, serialın əsas qəhrəmanlarından biri həbsə düşüb və özünü iplə asıb. Obrazı canlandıran Çetin Tekindorun rolu hər kəsi heyrətləndirib və sosial şəbəkədə onun ünvanına təriflər yağdırılıb.

“İçerde”nin faciəvi şəkildə bitəcəyi deyilsə də, bunun əksi olub. Serialın Umudu öz ailəsinə sağ-salamat qovuşub.

Bundan əlavə, serialın final bölümü Total reytinq siyahısında birinci olub. 8, 76 reytinq verən serial sosial şəbəkədə də ən çox müzakirə olunan mövzu olub.