Rusiyada azərbaycanlı taksi sürücüsü turisti aldadaraq 1500 manat aldı

Taksi sürücüsü saxlanılıb.

AzNews.info rus mətbuatına istinadən xəbər verir ki, çili jurnalisti Qaspar Saez Mirandanı Domodedova aeroportundan Kraun Plaza otelinə aparan Mercedes Taksi sürücüsü bunun əvəzində ondan 50000 rubl (təxminən 1500 manat) pul alıb. Daha sonra aldadıldığını anlayan jurnalist polisə müraciət edib.

Jurnalistin pulu qaytarılıb və taksi sürücüsü "fırıldaqçılıq" maddəsi ilə saxlanılıb.

Qeyd edək ki, saxlanılan taksi sürücüsü həmvətənimizdir.