Azərbaycanlı qızla evlənən ərəb şeyxi Bakıya gəlir

Bu il Azərbaycanda keçiriləcək “Bakı 2017” İslam Həmrəyliyi Oyunlarının xarici ölkələr üzrə səfirlərindən daha biri bəlli olub.

AzNews.info Qafqazinfo-ya istinadən xəbər verir ki, Şeyx Səid Əl Məktum 4-cü İslam Həmrəyliyi Oyunlarının fəxri səfiri seçilib.

Bu barədə şeyxin azərbaycanlı xanımı, tanınmış bədii gimnast, beynəlxalq dərəcəli idman ustası Zeynəb Cavadlı öz “Facebook” hesabında yazıb.

O qeyd edib ki, şeyx bu proqrama töhfə verəcəyi üçün xoşbəxtdir və sözügedən tədbirin gənclərin gələcək fəaliyyətində vacib mərhələ olacağına inanır.