Çindən gələn ilk yük qatarı Londona çatdı
Çindən (İu şəhəri) gələn ilk yük qatarı Londona çatdı, bu barədə “InterRail Holding AG” servisinin operatoru məlumat yayıb.
TASS xəbər verir ki, qatar Qazaxıstan, Rusiya, Belarus, Polşa, Almaniya, Belçika və Fransadan keçərək gəlib. Marşrutun ümumi məsafəsi – 12 min km-dən artıqdır. Qatar bu məsafəni 18 günə qət edib.
Qeyd edilir ki, London Çinin Avropada dəmiryol yükdaşımaları olan 15-ci şəhər oldu.
“Sinxua” agentliyinin daha öncə yaydığı məlumata görə, yeni marşrut Çin və Böyük Britaniya arasında ticarət əalqələrini möhkəmləndirməyə, eləcə də Çinin “bir kəmər – bir yol” (“İpək yolunun kəmərləri” və “XX əsr dəniz ipək yolu” birgə layihələrinin yaradılması) təşəbbüsünə xidmət edəcək.
Mənbə:> TASS