Azərbaycanlı oğlan dünyanın ən yaraşıqlı modeli seçildi – FOTO

Sentyabr ayının 3-11 tarixləri arasında Gürcüstanın Batumi şəhərində oğlanlar və qızlar arasında keçirilən “Miss & Mister Planet - 2016”-da ölkəmizi model Yusif Cəfərli və Anna Qranovskaya təmsil edib. Yusif Cəfərli adıçəkilən beynəlxalq model müsabiqəsinin birincisi olub.

Oxu.Az-ın əməkdaşı bununla bağlı beynəlxalq model müsabiqəsinin Azərbaycan üzrə direktoru və “Miss & Mister Planet - 2016”-da jüri üzvü olan tanınmış təşkilatçı Aqil Məmiyevlə əlaqə saxlayıb.

“Qala gecəsi 10 sentyabrda Batumi Teatrında keçirildi. Ölkəmiz böyük nəticə göstərdi. Münsiflər heyətindən yüksək bal qazanaraq “Mister Planet - 2016” adına həmyerlimiz Yusif Cəfərli layiq görüldü.

Ölkəmiz illər sonra beynəlxalq model müsabiqəsində yenidən birincilik qazandı. Xatırladım ki, 2007-ci ildə “Best Model of The World” müsabiqəsində Rüstəm Cəbrayılov birinci olmuşdu.

Anna Qranovskaya isə “Miss Planet Star - 2016” tituluna sahib oldu”, - deyə A.Məmiyev bildirib.