Mədəniyyət və turizm naziri Əbülfəs Qarayev Mədəni İrsin Qorunması, İnkişafı və Bərpası üzrə Dövlət Xidmətində müşavirə keçirmişdir

Azərbaycan Respublikası Prezidentinin 2013-cü il 27 dekabr tarixli müvafiq Sərəncamı ilə təsdiq edilmiş "Daşınmaz tarix və mədəniyyət abidələrinin bərpası, qorunması, tarix və mədəniyyət qoruqlarının fəaliyyətinin təkmilləşdirilməsi və inkişafına dair 2014-2020-ci illər üzrə Dövlət Proqramı"nın və “Şəki şəhərinin tarixi hissəsinin qorunması haqqında” 19 yanvar 2016-cı il tarixli Sərəncamının icrası ilə bağlı Azərbaycan Respublikasının mədəniyyət və turizm naziri Əbülfəs Qarayev Azərbaycan Respublikasının Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətində 17 fevral 2016-cı il tarixində müşavirə keçirmişdir.

AzNews.info xəbər verir ki, müşavirədə Dövlət Xidmətinin rəisi Zakir Sultanov, rəis müavini Zöhrab Pirimov, şöbə müdirləri Etibar Axundov və Fərid Almazov, “Azərbərpa” ETLİ-nin direktoru Telman Kərimli, “Mədini İrsin Qorunması, Tədqiqatı və Monitorinqi Mərkəzi” MMC-nin direktoru Sehran Əliyev və başqaları iştirak etmişlər.

Müşavirədə Sərəncamların icrası ilə bağlı müzakirələr aparılmış və cənab nazir aidiyyəti üzrə tapşırıqlarını vermişdir.

Eyni zamanda nazir Əbülfəs Qarayev daşınmaz tarix və mədəniyət abidələrinin mövcud vəziyyətinin qorunması və istifadəsi ilə bağlı gənc azərbaycanlı mütəxəssislərin hazırlanması məqsədi ilə İtaliyalı mütəxəssislərlə əməkdaşlıq edilməsi barədə tapşırıqlarını vermişdir.