SOCAR-dan xəbərdarlıq: "Bizdə işə qəbul üçün pul tələb olunmur" » AzNews.info -Xəbər portalı

Bölmə: Sosial

SOCAR-dan xəbərdarlıq: "Bizdə işə qəbul üçün pul tələb olunmur"

SOCAR-dan xəbərdarlıq: "Bizdə işə qəbul üçün pul tələb olunmur"

SOCAR-ın Baş ofisinin İnsan Resursları Departamenti (İRD) qurumun adından təklif olunan iş təklifləri ilə bağlı əhaliyə xəbərdarlıq edib.

SOCAR-dan verilən məlumatda deyilir: “Məlum olduğu kimi, 2011-ci ildən etibarən SOCAR üzrə işə qəbul mərkəzləşdirilmiş qaydada İnsan Resursları Departamenti tərəfindən müsabiqə yolu ilə həyata keçirilir. Lakin müxtəlif şəxslər, fırıldaqçı şirkətlər və ya onların nümayəndələrinin SOCAR adından saxta iş təklifləri təqdim etmələri haqqında faktlara hələ də rast gəlinir. SOCAR-ın işə qəbul ilə bağlı dələduzluğa qarşı mübarizə aparmasına və müxtəlif maarifləndirmə işləri həyata keçirməsinə baxmayaraq işə qəbul olunmaq istəyən sadəlövh vətəndaşların aldadılması halları təkrarlanmaqdadır. Bu səbəbdən SOCAR bir daha vətəndaşların diqqətinə çatdırır ki, SOCAR-da işə qəbul olunmaq üçün heç bir vəsait tələb olunmur. Odur ki, bir daha vətəndaşları sayıq olmağa, müxtəlif şəxslər, fırıldaqçı şirkətlərin saxta təkliflərinə aldanmamağa çağırırıq”.

Məlumatda həmçinin bildirilib ki, SOCAR-da işə qəbul prosesində namizədlərdən hər hansı bir mərhələdən keçmək üçün ödəniş və ya bank hesab rekvizitləri tələb edilmir: “SOCAR-da mövcud olan vakansiyalar ancaq şirkətin (http://careers.socar.az) və onun struktur bölmələrinin veb-səhifələrində, həmçinin “İki sahil” qəzetində elan edilir. Elektron müraciət formasını özünüz doldura bilmədikdə, bu işə nəzarət etməklə ən etibarlı şəxslərə həvalə edərək müraciətdə öz mobil nömrənizin və elektron poçt ünvanınızın qeyd olunmasından əmin olsunlar”.

Həmçinin məlumatda deyilir ki, test, müsahibə və ya peşə sınaq imtahanları yalnız SOCAR-ın İnsan Resursları Departamentinin inzibati binsaında (Ş.Mirzəyev küçəsi 26 ünvanında) və ya İnsan Resursları Departamenti tərəfindən müəyyənləşdirilmiş başqa istehsalat sahələrində (ünvanları imtahandan 2-3 gün əvvəl SOCAR-ın İnsan Resursları Departamenti vasitəsilə namizədlərin telefon nömrələrinə (521 prefiksli nömrələrdən) və e-poçt-larına ([email protected] ) bildiriş şəklində göndərilir) keçirilir. İmtahanlarda İRD-nin səlahiyyətli nümayəndəsi də iştirak edir: “Əgər şübhəli zəng (xüsusi ilə də mobil nömrələrdən, gizli zənglər vasitəsilə) və ya yahoo.com, gmail.com, mail.ru tipli ödənişsiz hesablardan e-poçt vasitəsilə məlumat almısınızsa, bu şəxslər və ya şirkətlər tərəfindən təqdim edilən saxta iş təklifi və ya xidmətlər barədə hüquq mühafizə orqanlarına məlumat verməyiniz xahiş olunur” (APA).

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *