Elektron kitabxana üzrə treninq keçiriləcək » AzNews.info -Xəbər portalı

Elektron kitabxana üzrə treninq keçiriləcək

Elektron kitabxana üzrə treninq keçiriləcək


Sentyabrın 17-də dövlət və özəl təhsil müəssisələri (universitetlər, məktəblər), eləcə də digər müəssisələrin kitabxana sahəsində çalışan rəhbər və işçiləri üçün "Elektron kitabxana idarəedilməsi" mövzusunda təlim keçiriləcək.

Mədəniyyət və Turizm Nazirliyi mətbuat xidmətindən ANS PRESS-ə daxil olan məlumata görə, təlim ALISA sistemi üzərindən kitabxanaların elektron idarəedilməsi, kitabxana işinin asanlaşdırılması və kitabxanaçı-oxucu arasında iş prosesinin sadələşdirilməsi ilə bağlı olacaq. İştirakçılara müasir kitabxana işində zəruri olan 3M qurğuları barədə məlumatlar veriləcək.

Kitabxanaçılar işin asanlaşdırılması, kitabxanalarda yüksək texnologiyaların tətbiqi, kitabxana idarəetməsində lazımi sistemlərin tətbiqi, elektron kitabxana, onlayn kitabxanaların qurulması, kitabxana sistemlərinin fərqləri və s. barədə faydalı məlumatlar əldə edəcəklər. Peşəkar mütəxəssislər tərəfindən keçiriləcək treninqdə iştirak pulsuzdur və iştirakçılara sertifikat təqdim olunacaq.

İştirak etmək istəyənlər burada qeydiyyatdan keçə bilərlər. Qeyd edək ki, Mədəniyyət və Turizm Nazirliyinin sisteminə daxil olan bir neçə paytaxt və rayon-şəhər kitabxanalarında, Gəncə Heydər Əliyev Mərkəzində və Azərbaycan Milli Elmlər Akademiyası Mərkəzi Elmi Kitabxanasında sistemin bir neçə komponenti tətbiq edilib. ALISA (Automated Library Information System of Azerbaijan) sistemi kompleks bir layihə kimi Azərbaycanın kitabxana sistemini inkişaf etdirmək üçün yaradılıb. Sistem Mədəniyyət və Turizm Nazirliyinin sifarişi əsasında "Ultra Technologies" şirkəti tərəfindən hazırlanıb.

Mənbə: ANSPRESS
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *