Putinin Əsədə verdiyi “cəhənnəm silahı” belə işləyir – VİDEO

Suriyanın “Milli müdafiə” rəsmi kanalı Rusiyanın bu ölkəyə göndərdiyi “Solntsepyok” TOS-1A ağır odsaçan sistemlərinin işinə dair videokadrlar yayıb.

Virtualaz.org saytı xəbər verir ki, kanalın YouTube portalında yaydığı kadrlarda odsaçan sistemlərin “Qrad” reaktiv yaylım atəşi sistemi ilə birlikdə Latakiyə rayonunda yaraqlıların dağlıq ərazidə yerləşən mövqelərinə zərbələr endirdiyi əks olunur.

Bundan əvvəl radikal qruplaşmalardan biri “Solntsepyok” sistemlərinin onların mövqelərini necə vurduğuna dair kadrları yaymışdı. Bu odsaçan sistemlər dəhşətli dağıdıcı gücünə və bir yaylım atəşi ilə hektarlarla ərazidə daşı belə külə çevirmək qabiliyyətinə görə “cəhənnəm silahı” adlanır.

“Solntsepyok” odsaçan sistemləri Rusiyadan başqa ancaq Azərbaycan, Qazaxıstan və İraq ordularında var.