Rusiya diplomatı: “Heç kimə bizimlə bu tonda danışmağa imkan verməyəcəyik”

Rusiya Böyük Britaniyaya özü ilə ultimatum dilində danışmağa imkan verməyəcək.

RİA Novosti-nin verdiyi xəbərə görə, bunu Rusiyanın BMT-dəki daimi nümayəndəsi Vasiliy Nebenzya bəyan edib.

“Bizdən ultimatum şəklində sutka ərzində günahımızı etiraf etməyi tələb etdilər. Biz heç kimlə ultimatum dilində danışmırıq və bu tonda bizimlə danışmağa imkan verməyəcəyik”, - deyə TŞ-nın iclasında çıxış edən V.Nebenzya deyib.

Onun sözlərinə görə, rəsmi Moskva Böyük Britaniyadan cinayətdə istifadə edilən maddənin nümunələrini təqdim etməyi xahiş edib, lakin Londondan rədd cavabı alıb.

"Rusiyanın bu insidentə aidiyyəti yoxdur. Biz Londonun ultimatumlarını mənasız hesab edirik", - deyə Nebenzya fikrini yekunlaşdırıb.