İŞİD Ebola yayır?

İraqda öldürülən İŞİD yaraqlılarından birinin Ebola daşıyıcısı olduğu iddia edilir.

ANS PRESS-in məlumatına görə, İraqın Ənbar vilayətində öldürülən İŞİD terror qruplaşması üzvlərindən birində ölümcül virus hesab edilən Ebolanın simptomlarının olduğu bildirilir. Bu barədə Ənbardakı polis nəfərlərindən biri xəbər verib.

Cəsəddə Ebola şübhəsinin olmasını isə Əsəd Hərbi Mərkəzindəki Amerikalılar tərəfindən önə sürüldüyü vurğulanır.

Ötən ay da Mosulda İŞİD yaraqlılarına Ebolanın keçdiyi deyilsə də, İraq Səhiyyə Nazirliyi iddianı təkzib etmişdi.

Qeyd edək ki, ÜST-ün son məlumatlarına əsasən, dünyada Ebola virusuna yoluxanların sayı 22 092 nəfər təşkil edir, 8 810 nəfər isə xəstəliyin qurbanı olub.