Yerevanda anti-Rusiya mitinqi başlayır » AzNews.info -Xəbər portalı

Bölmə: Siyasət, Qarabağ

Yerevanda anti-Rusiya mitinqi başlayır

Yerevanda anti-Rusiya mitinqi başlayır

Aaprelin 13-də Ermənistanın paytaxtında Rusiya əleyhinə etiraz aksiyası keçiriləcək.

Musavat.com-un Ermənistan mediasına istinadən verdiyi məlumata görə, aksiyaçılar Rusiyanın Qarabağ cəbhəsindəki son hərbi toqquşmalarda tutduğu mövqeyə və Moskvanın Bakıya silah satışını davam etdirəcəyi barədə mövqeyinə etiraz edəcəklər.

Etiraz aksiyası saat 18.30-da Yerevanın Azadlıq meydanından başlayacaq və Rusiyanın Ermənistandakı səfirliyi qarşısında başa çatacaq.

Verilən məlumata görə, etirazçılar Rusiyadan hərbi-siyasi müttəfiqliklə bağlı öhdəliklərini yerinə yetirməsini, Azərbaycana silah satışını dayandırmasını tələb edəcəklər. Yerli mətbuat bildirir ki, əgər bu tələblərə əməl olunmasa, o zaman erməni cəmiyyətində əslində Rusiyanın müttəfiq olmadığı, eyni zamanda Ermənistanın da müttəfiq kimi öhdəliklərinin qalmadığına birdəfəlik əminlik yaranacaq.

“Uzun illər boyu Rusiya Azərbaycana 5 milyard dollarlıq silah və döyüş sursatı, o cümlədən kütləvi qırğın silahlarından olan “Смерч” və ТОС-1А “Odsatan” satıb”, - deyə Ermənistan KİV-i yazıb.

Yayılan xəbərlərdə deyilir ki, Rusiya Azərbaycanın başqa ölkələrdən silahlar almaması üçün bu mövqedən çıxış edir. Ancaq iddia olunur ki, ABŞ, Fransa və bir sıra digər ölkələr guya Azərbaycana silah satmaqdan imtina edib. Ermənilərin fikrincə, əslində bu cür yalançı arqumentlər törədilmiş cinayətə görə məsuliyyətdən qaçmaq üçündür.

Qeyd edək ki, Rusiya baş nazirinin müavini Dmitri Roqozin Ermənistanın tələblərinə cavab olaraq Moskvanın strateji tərəfdaşı kimi Azərbaycana silah satmaqda davam edəcəyini bildirib və bu da erməniləri qəzəbləndirib. Ermənilər Rusiyanı xəyanətdə ittiham edir, ölkənin prezidenti və müdafiə naziri də Azərbaycana silah satılmasına sərt etiraz edib ki, onların Moskva tərəfindən cəzalandırılacağı ehtimal olunur. Bəzi ekspertlərə görə, Sərkisyan xalqın özünə olan qəzəbini soyutmaq, diqqəti özündən yayındırmaq üçün etirazları Rusiyaya doğru yönəldib.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *