Davudoğlunun kortejinin yolunda partlayış – YENİLƏNİB

Partlayış cümə gününə keçən gecə ölkəni baş naziri Əhməd Davudoğlunun səfərdə olduğu Mardin şəhərində baş verib, “Sabah” nəşri məlumat yayıb.

Oxu.Az RİA Novosti-yə istinadən xəbər verir ki, partlayış Baş nazirin kortejinin keçəcəyi “Respublika” meydanında baş verib.

Bununla əlaqədar hüquq-mühafizə orqanı əməkdaşları bu rayonda başqa partlayıcı qurğuların olmasını dəqiqləşdirirlər.

Nəşrin məlumatına əsasən, armatur kəsikləri ilə möhkəmləndirilmiş əldəqayırma partlayıcı qurğu işə düşüb.

Partlayış nəticəsində bir nəfər xəsarət alıb və xəstəxanaya yerləşdirilib. Polis hadisəni araşdırmağa başlayıb.

Baş nazirin səfəri və baş verən hadisə ilə əlaqədar şəhərdə təhlüksəsizlik tədbirləri gücləndirilib.

10:07

Türkiyənin Baş naziri Əhməd Davudoğlunun kortejinin yolunda partlayış baş verib.

Oxu.Az Türkiyə mətbuatına istinadən xəbər verir ki, kortej Mardin istiqamətində hərəkət edirmiş.