Putin Türkiyəni İŞİD-lə əlaqədə ittiham etdi

Su-24 təyyarəsinin vurulmasının əsl səbəbi Tükiyənin İŞİD-dən neft tədarükünün təhlükəsizliyinin təmin edilməsi ola bilər.

Oxu.Az-ın məlumatına görə, bu sözləri Parisdə keçirilən BMT-nin İqlim dəyişikliyi Konfransında jurnalistlərə açıqlamasında Rusiya prezidenti Vladimir Putin deyib.

Putin konfransda Türkiyə prezidenti Rəcəb Tayyib Ərdoğanla görüşmədiyini bildirib.

“Türkiyə prezidenti ilə görüşmək alınmadı. Həmkarlarımdan çoxları razıdırlar ki, Su-24 təyyarəsinin vurulmasına heç bir zəruriyyət yox idi”, - Putin deyib

O həmçinin qeyd edib ki, Su-24 bombardmançısının vurulması barədə əmrin Ərdoğan tərəfindən verilib-verilməməsi Rusiya üçün heç bir əhəmiyyət kəsb etmir.