Poroşenko Rusiyaya qarşı yeni sanksiyalar tətbiq edir

Ukrayna prezidenti Pyotr Poroşenko Rusiyaya qarşı yeni sanksiyaların tətbiqinə dair fərman imzalayıb.

Oxu.Az Ukrayna prezidentinin mətbuat xidmətinə istinadən xəbər verir ki, “qara siyahı”ya Rusiyanın 400-dən çox fiziki və 90 hüquqi şəxsi düşüb.

Ukrayna Milli Təhlükəsizlik və Müdafiə Şurası bu qərarı təsdiq edib.

Ukrayna prezidenti sanksiya siyahısının genişlənməsini Rusiya rəhbərliyinin Donetsk və Luqanskda qondarma respublikalarında keçirilən seçkilərin dəstəkləməsinə cavab olduğunu bildirib.

“Hal-hazırda Ukraynanın ərazi bütövlüyü uğrunda müharibə gedir. Bu həmçinin azadlıq, demokratiya və Avropa dəyərləri uğrunda mübarizədir”, - Ukrayna prezidenti deyib.