Putin qoşunları Suriyadan niyə tələsik çıxarmağı tapşırıb... » AzNews.info -Xəbər portalı

Bölmə: Manşet, Siyasət, Hərbi

Putin qoşunları Suriyadan niyə tələsik çıxarmağı tapşırıb...

Putin qoşunları Suriyadan niyə tələsik çıxarmağı tapşırıb...

Rusiya prezidenti Vladimir Putin Suriyadan qoşunların əsas hissəsinin tezliklə çıxarılmasını tapşırıb. Virtualaz.org xəbər verir ki, bu haqda İtaliyanın “La Stampa” qəzeti diplomatik qaynaqlara istinadən yazır.

Rusiya prezidentinin tapşırığına əsasən qoşunlar Suriyadan mart ayında keçiriləcək prezident seçkilərinə qədər çıxarılmalıdır. Putin xarici işlər naziri Sergey Lavrova bu məqsədə nail olmağa imkan verən həll yolları tapmağı tapşırıb.

Putin qoşunları Suriyadan niyə tələsik çıxarmağı tapşırıb...


Bu həll variantlarını tapmaq üçün isə Suriyada Rusiyanın sayəsində hakimiyyətdə qalan Bəşər Əsədin rolunu müəyyən etmək lazımdır. Kremlin patronajlığı altında formalaşdırılan Suriya Xalqları Konqresi çərçivəsində aparılan danışıqlarda Bəşər Əsədin sonrakı taleyinə dair hansı qərarın qəbul olunacağından çox şey asılıdır. Qəzet yazır ki, Putinə Dəməşqdə öz marionetkası lazımdır, lakin bunun Bəşər Əsəd, yaxud başqa biri olacağı onun üçün elə də kritik əhəmiyyət daşımır. Ona görə də siyasi nizamlamaya nail olmaq üçün Moskva Bəşər Əsədin müəyyən mərhələdən sonra hakimiyyətdən əl çəkməsi ssenarisinə razılıq verə bilər. İran isə əksinə, Bəşər Əsədi nəyin bahasına olursa olsun hakimiyyətdə qalmasını istəyir.

Diplomatik mənbələrə görə Lavrov hazırda Astanada başladılmış siyasi nizamlama prosesinə üstünlük verir, lakin Moskvanın daha bir variantı var-Cenevrədə BMT-nin eqidası altında başladılmış prosesin imkanlarını yenidən nəzərdən keçirmək. Bu, daha geniş beynəlxalq tanınmaya imkan verərdi və Suriyadakı bərpa proseslərinə ərəb ölkələrini də cəlb etməyin yolunu açardı.

Qəzet yazır ki, indi Lavrovun qarşısında dayanan məsələ Putinin təzyiqi ilə Cenevrə prosesinə geri qayıtmaqdır. Hansı ki, Cenevrə prosesinə əsasən Suriyanın gələcəyi Bəşər Əsədlə qurula bilməzdi. Beləliklə, Suriyada Rusiya ordusu qalib gəlsə də bu hələ tam qələbə deyil. Suriya böhranından siyasi çıxış yolu tapmaq mürəkkəb məsələdir. Və bu məsələdə Putin ABŞ prezidenti Donald Trampa etibar edə bilməz. Hansı ki, Tramp Putinlə sonuncu telefon danışığında ona Suriyada siyasi nizamlama məsələsi ilə məşğul olmayacağı haqda birbaşa deyib.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *