Vüqar Mollaçiyevi Londonda saxladılar

Skotland-Yard iki rusiyalını dələduzluqda və gəlirlərin yuyulmasında ittiham edib.

Virtualaz.org bildirir ki, London polisinin yaydığı xəbərdə belə deyilir.

Qeyd edilir ki, 37 yaşlı Vüqar Mollaçiyev və 48 yaşlı Abdurahman Bazayev bazar ertəsi, yəni bu gün- 20 martda məhkəmə qarşısında duracaqlar.

Onlar martın 17-də axşam kibercinayətkarlıqla mübarizə üzrə bölmənin əməkdaşları tərəfindən Britaniya klirinq banklarından 2 milyon funt (təxminən $2,5 milyon) məbləği fırıldaqla çıxarmağa cəhddə şübhəli bilinərək həbs ediliblər.

Polis, həmçinin ekspertizadan keçirmək üçün bir sıra kompüterləri də müsadirə edib.