Qafqaz Universitetinin müəllimləri nazirliyə çağırılıb » AzNews.info -Xəbər portalı

Bölmə: Manşet, Sosial, Təhsil

Qafqaz Universitetinin müəllimləri nazirliyə çağırılıb

Qafqaz Universitetinin müəllimləri nazirliyə çağırılıb


Bu gün Təhsil Nazirliyində Qafqaz Universitetinin rektoru və müəllimləri ilə görüş keçirilib.

AzNews.info xəbər verir ki, bu barədə AzVision.az-a Qafqaz Universitetinin mətbuat xidmətinin rəhbəri Rəcəb Rza məlumat verib.

Bildirib ki, universitetin fəaliyyətinin dayandırılması ilə bağlı onlara çoxsaylı müraciətlər daxil olur:

“Bizə tələbələr, valideynlər müraciət edirlər. Onlar narahatlıqlarını ifadə edirlər”.

R.Rza bildirib ki, yayılan məlumatlara görə, Qafqaz Universitetinin nəzdində Bakı Mühəndislər Universiteti olacaq.

Bu haqda dəqiq məlumat yoxdur:

“Yeni yaradılacaq universitetlə bağlı nə fərman, nə də tapşırıq var. Hazırda bu istiqamətdə işçi qrupu işləyir”.

Mətbuat katibi vurğulayıb ki, bu gün keçiriləcək görüşdən sonra universitetin statusu, fəaliyyəti barədə qərar veriləcək. Həmin qərar gələn həftə ictimaiyyətə açıqlanacaq.

Qeyd edək ki, “Qafqaz” Universitetinin rəhbərliyi yanvarın 16-da təsisçinin qərarı ilə universitetin ləğvetmə prosesinə başlayıb və ləğvetmə komissiyası yaradılıb.

Eyni zamanda universitetin ləğvi ilə bağlı Təhsil Nazirliyində İşçi qrupu yaradılıb və qış imtahan sessiyasından sonra tələbələrin digər universitetlərə köçürülməsi həyata keçiriləcək.

Mənbə: AzVision.az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *