İran terrorizmdə ittiham edildi

Səudiyyə Ərəbistanının xarici işlər naziri Adil Əl-Cubeyr Davosda keçirilən Ümumdünya İqtisadi Forumunda (UİF) İranı terrorizmi dəstəkləməkdə və region ölkələrinin daxili işlərinə qarışmaqda günahlandırıb.

Bu barədə "Rosbalt" xəbər yayıb.

"Ümid edirəm ki, İran terrorizmi dəstəkləməyə, ballistik raketlər haqqında sazişin şərtlərini pozmağa və region ölkələrinin daxili işlərinə qarışmasına görə cavab verəcək", - deyə Əl-Cubeyr bildirib.

Nazir, həmçinin əlavə edib ki, Səudiyyə Ərəbistanı Astanada keçirilməsi planlaşdırılan Suriya üzrə danışıqları dəstəkləyir.