DGK dövlət büdcəsinə ödənişləri artırdı

2015-ci ilin 4 ayı ərzində Dövlət Gömrük Komitəsi (DGK) dövlət büdcəsinə 483 milyon 252,98 min manat məbləğində vergi və rüsum köçürüb ki, bu da 2014-ci ilin müvafiq dövrünün göstəricisindən 4,2% çoxdur.

Oxu.Az komitəyə istinadən xəbər verir ki, 2015-ci ilin yanvar-aprel aylarında dövlət büdcəsinə ƏDV üzrə daxilolmalar 313 milyon 403,04 min manat, aksizlər üzrə 27 milyon 91,51 min manat, yol vergisi üzrə 5 milyon 934,08 min manat təşkil edib.

Komitə bildirir ki, gömrük rüsumları üzrə köçürmələr 136 milyon 824,35 min manat məbləğində olub.