Rusiyadakı azərbaycanlıların qohumları 1,4 milyard dollar varlandılar

Rusiya Federasiyası Mərkəzi Bankı Rusiyadan MDB ölkələrinə 2014-cü ilin nəticələrinə görə şəxsi köçürmələrin həcmi barədə məlumat yayıb.

Oxu.Az bu barədə RİA Novosti-yə istinadən xəbər verir.

Birinci yeri Özbəkistan (5 milyard 828 milyon dollar), ikinci yeri Tacikistan (3 milyard 662 milyon dollar) tutur. Sonra isə Qırğızıstan (2 milyard 239 milyon dollar), Ukrayna (2 milyard 187 milyon dollar), Moldova (1 milyard 862 milyon dollar), Ermənistan (1 milyard 752 milyon), Azərbaycan (1 milyard 354 milyon dollar) və Qazaxıstan (465 milyon dollar) gəlir.

2014-cü ilin yekunlarına görə bu, Rusiya Federasiyasından MDB ölkələrinə 21 milyard 400 milyon dollar (2013-cü ilin yekunlarına əsasən isə bu göstərici 24 milyard 786 milyon dollardan ibarət olub) olub.