Məcburi köçkünlər üçün güzəşt limiti ləğv olunub? » AzNews.info -Xəbər portalı

Bölmə: İqtisadiyyat, Sosial

Məcburi köçkünlər üçün güzəşt limiti ləğv olunub?

Məcburi köçkünlər üçün güzəşt limiti ləğv olunub?


Bir neçə gündür ki, məcburi köçkünlərin kommunal xidmətləri üzrə tətbiq edilən xüsusi limitin ləğv edilməsi ilə bağlı məsələ gündəmdə müzakirə olunur.

Aznews.info “Qafqazinfo”-ya istinadən xəbər verir ki, bununla bağlı məsələyə “Qaçqınkom”un mətbuat xidmətinin rəhbəri Elçin Qədimov bildirmişdi ki, limitin ləğv edilməsi ilə bağlı hər hansı qərar yoxdur.

Bu gün isə “Qafqazinfo”ya oxuculardan biri “Azərsu” ASC tərəfindən vurulmuş elanla bağlı müraciət edib. Elanda bildirilir ki, 2017-ci ilin dövlət büdcəsinin mərkəzləşdirilmiş xərclərində “Su və kanalizasiya haqqının ödənilməsi bölməsi” üzrə Qaçqınların və Məcburi Köçkünlərin İşləri üzrə Dövlət Komitəsinə məcburi köçkünlərin su və kanalizasiya xidmət haqqının mərkəzləşdirilmiş qaydada ödənişinin nəzərdə tutulmaması ilə əlaqədar 01.01.2017-ci il tarixindən bütün proqramlar üzrə məcburi köçkünlərə verilən güzəştlər (limitlər) ləğv edilib.

“Azərsu” ASC-nin Mətbuat xidmətinin rəhbəri Anar Cəbrayıllı qeyd edib ki, elanda göstərildiyi kimi hər hansı limitin ləğvindən söhbət getmir:

“Ancaq elanın yuxarı hissəsində qeyd olunduğu kimi, məcburi köçkünlərin su və kanalizasiya xidmət haqqının mərkəzləşdirilmiş qaydada ödənilməsi məsələsi ləğv olunub.

Belə ki, bu günə kimi məcburi köçkünlərin su və kanalizasiya haqqı “Qaçqınkom” tərəfindən “Azərsu”ya ödənilirdi.

Bundan sonra isə həmin vəsait pul şəklində büdcədən köçkünlərin öz hesablarına ödəniləcək. Köçkünlər həmin limitlər üzrə ödəniş haqlarını özləri “Azərsu”ya ödəyəcəklər. Yəni güzəştli limitin ləğvindən söhbət getmir”.

“Azəriqaz”ın Mətbuat xidmətinin rəhbəri İbrahim Kərbalayev də bildirib ki, qərar öz təsdiqini tapdıqdan sonra artıq məcburi köçkünlər xidmət haqqını özləri ödəyəcəklər.

“Azərişıq” ASC-nin Mətbuat xidmətinin rəhbəri Tanrıverdi Mustafayev isə bildirib ki, bununla bağlı onlarda məlumat yoxdur:

“Hazırda əvvəlki qaydada ödənişlər həyata keçirilir”.
Məcburi köçkünlər üçün güzəşt limiti ləğv olunub?

Mənbə: Qafqazinfo.az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *