Bağla

AzNews.info



Bölmə: İqtisadiyyat, Sosial

Azərbaycanlı məşhur işıq qəbzindəki rəqəmləri görüb təəccübləndi – FOTO

Azərbaycanlı məşhur işıq qəbzindəki rəqəmləri görüb təəccübləndi


“Bu gün aldığım elektrik bildirişinə əsasən, 94,37 manat məbləğində işıq pulu ödəməliyəm.

Məbləğin çoxluğundan şübhələnib sayğacı yoxladım. Məlum oldu ki, 387 kv əvəzinə 967 kv enerji sərfiyyatı yazılıb”.

Aznews.info Publika.az-a istinadən xəbər verir ki, bu barədə tanınmış şair, yazar Sayman Aruz sosial şəbəkədə sayğacının və bildirişin şəklini paylaşaraq bundan şoka düşdüyünü yazıb.

“Yəni göstərilən limitdən artıq pul ödətdirmək üçün 580 kv artıq enerjinin istifadəsi göstərilməlidir. Maraqlıdır ki, bildirişdə son göstərici 54924 kv olduğu halda sayğacdakı istifadə 54344 kvdır. Limitdən artıq olan hissə 11 qəpikdən olduğu üçün 580 kv artıq yazaraq bir növ açıq aşkar əhalini aldadaraq oğurluq edirlər”, - deyə o bildirib.

Elektrik və təbii qazdan istifadəyə görə limit müəyyən ediləndən sonra bu sahədə problemlər də aktuallaşıb.

Abonentin “Azərişıq” ASC-nin Yasamal rayon şöbəsi əməkdaşlarından narazılığını və problemini qurumun mətbuat katibi Tanrıverdi Mustafayevə çatdırdıq.

T.Mustafayev abonentin məlumatlarını operativ araşdırdıqdan sonra problemin əməkdaşlarının sayğacın son göstəricisinin oxunmasında səhvə yol verməsindən qaynaqlandığını bildirdi:

“Təkrar əməkdaşımız həmin abonentin mənzilinə gedərək sayğacın son göstəricisini dəqiqləşdirib, yeni bildiriş təqdim edərək öz səhvini düzəldib. Bu halla əlaqələr “Azərişıq” ASC sədri də məlumatlandırıldı. Sədrimiz belə səhvlərə yol vermiş əməkdaşların ciddi cəzalandırılması, hətta işdən azad olunması göstərişini verdi.

Belə problemlərlə qarşılaşan abonentlərimizdən bir daha xahiş edirik ki, “Azərişıq” ASC-nin 199 saylı çağrı mərkəzi, Region və Rayon Enerji Təchizatı və Satışı İdarə və şöbələrinə müraciət etsinlər. Müraciətlər qısa zamanda araşdırılıb, həllini tapacaq”.

Azərbaycanlı məşhur işıq qəbzindəki rəqəmləri görüb təəccübləndi

Mənbə: Publika.az

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *