Azərbaycanda valyuta satışı qaydaları dəyişdi » AzNews.info -Xəbər portalı

Bölmə: İqtisadiyyat, Sosial

Azərbaycanda valyuta satışı qaydaları dəyişdi

Azərbaycanda valyuta satışı qaydaları dəyişdi


Dolların məzənnəsində müəyyən artım baş verə və valyuta məzənnəsində spekulyativ hərəkətlərin olacağı istisna edilmir.

Azərbaycan Mərkəzi Bankının (AMB) mütəmadi olaraq keçirdiyi valyuta hərraclarının qrafiki dəyişdirilib. Bu həftədən etibarən hərracların həftənin III və V günlər keçirilməsi ilə bağlı qərar qəbul olunub.

Oxu.Az-ın məlumatına görə, “Report”un bank dairələrindən əldə etdiyi məlumata görə, hərracların 3 sessiyada aparılması planlaşdırılır.

Bununla yanaşı, bundan sonra hərraca çıxarılan valyutanın məbləği kommersiya bankları üçün öncədən açıqlanmayacaq. Həmçinin, hərraclarda kommersiya banklarının alışla bərabər valyuta sata biləcəyi, iştirakçıların əməliyyat zamanı kimliyinin gizlin saxlanılacağı bildirilir.

“Report” un analitik qrupu hesab edir ki, ilk hərraclarda banklar və AMB yeni sistemə uyğunlaşma mərhələsində olacağından, dolların məzənnəsində müəyyən artım baş verə bilər. Lakin daha sonra tələb və təklifə uyğun olaraq məzənnənin sabitləşəcəyi, lakin cüzi artımlarla davam edəcəyi ehtimal edilir:

“Dolların rəsmi məzənnəsi 1,60 AZN/USD-dan aşağı enərsə, banklar tərəfindən dollar alışının güclənəcəyi proqnozlaşdırılır. Həmçinin, məzənnənin gün ərzində bir qədər dalğalı şəkildə hərəkət edəcəyi gözlənilir.

Bankların hərracda satıcı kimi də iştirak etməsi manatın məzənnəsinin volatilliyini artıracaq. Çünki banklar müştəri sifarişlərinə əsasən, gün ərzində həm alıcı, həm satıcı olmaq imkanı qazanacaq”.

“Report”un ekspertləri valyuta məzənnəsində spekulyativ hərəkətlərin də olacağını istisna etmirlər: “Təbii ki, bu, bazar iqtisadiyyatının qanunlarına zidd deyil”.

Mənbə: Oxu.az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *