Nazirlik: 17 nəfər əvvəlki işlərinə qaytarıldı

10 ay ərzində işdən qeyri-qanuni azad edilmiş 17 nəfər əvvəlki işinə bərpa edilib.

Bu barədə Əmək və Əhalinin Sosial Müdafiəsi Nazirliyindən (ƏƏSMN) Oxu.Az-a bildirilib.

“Ümumilikdə 1 milyon 458 min 132 manat məbləğində gecikdirilmiş sosial xarakterli ödənişlərin işəgötürənlər tərəfindən işçilərə ödənilməsini təmin edib. Bu məbləğin 75,2 %-ni gecikdirilmiş əmək haqları, qalan hissəsini işəgötürənlər tərəfindən ödənilməli olan sosial müavinət və kompensasiyalar, zərərə görə ödənclər təşkil edib”, - deyə nazirlikdən qeyd edilib.

Bundan başqa, nazirlikdən bildirilib ki, cari ilin 10 ayı ərzində 2 milyon 923 661 manat məbləğində gecikdirilmiş sosial xarakterli ödənişlər işəgötürənlər tərəfindən işçilərə ödənilib.