Gədəbəydə 26 kənd qazlaşdırılıb: bəs Şınıx kəndləri niyə qaldı?! » AzNews.info -Xəbər portalı

Bölmə: İqtisadiyyat, Sosial

Gədəbəydə 26 kənd qazlaşdırılıb: bəs Şınıx kəndləri niyə qaldı?!

Gədəbəydə 26 kənd qazlaşdırılıb: bəs Şınıx kəndləri niyə qaldı?!


Gədəbəy Rayon İcra Hakimiyyətində qış mövsümünə hazırlığın vəziyyəti müzakirə edilib.

AzNews.info AzərTAc-a istinadən xəbər verir ki, bu münasibətlə keçirilən yığıncaqda rayonun aidiyyəti idarə və təşkilat rəhbərlərinin məlumatları dinlənilib.

Diqqətə çatdırılıb ki, rayonun bütün yaşayış məntəqələri elektrik enerjisi ilə təchiz olunub. Hazırda kəndlərin qazlaşdırılması işləri sürətlə davam etdirilir. Artıq 29 yaşayış məntəqəsi “mavi yanacaq”la təmin olunub. Digər kəndlərin də qazlaşdırılması istiqamətində tədbirlər görülür.

Bildirilib ki, qış mövsümünə hazırlıqla bağlı 17 transformator əsaslı şəkildə təmir edilib və yarımstansiyalar texniki baxışdan keçirilib. İstismara yararsız və standartlara uyğun gəlməyən, bir çox hallarda qəzalara səbəb olan elektrik avadanlıqları və dayaqlar, eləcə də naqillər təzələnib. Əhalinin qış mövsümündə “mavi yanacaq”la davamlı təminatı üçün qaz təchizatı sistemi texniki baxışdan keçirilərək nasazlıqlar aradan qaldırılıb.

Gədəbəy Rayon İcra Hakimiyyətinin başçısı Ramiz Yediyarov çıxış edərək qışa hazırlıqla bağlı işdə yol verilmiş nöqsanları diqqətə çatdırıb, şaxtalı havalarda yol təsərrüfatında yarana biləcək problemlərin vaxtında aradan qaldırılması üçün tədbirlər görülməsi barədə tapşırıqlar verib.

Qeyd edək ki, Gədəbəyin Ermənistanla sərhəd Şınıx bölgəsinin kəndlərinin qazlaşdırılması problemi “Azəriqaz” rəhbərliyinin bu bölgəyə qarşı ayrı-seçkiliyi və anlaşılmaz münasibəti üzündən düyünə düşüb. Bölgənin cəmi 3-4 kəndinə qaz verilsə də 20-yə yaxın kənd qazsızdır. Və meşələr qırılıb tükənmək üzrədir, əhali yanacaq problem üzündən evlərini tərk edir.

Bu günlərdə “Azəriqaz” rəhbəri Əkbər Hacıyev keçirdiyi mətbuat konfransıda elan edib ki, Şınıx bölgəsinin qalan kəndləri qazlaşdırılmayacaq və əhali onlardan qaz gözləməsin.

Ə.Hacıyev bunu “bölgənin kəndlərinin keçilməz olması və texnikanın işləməsinin çətinliyi” ilə izah edib. Hərçənd ki, bu arqumentin tamamilə əsassız olduğunu bölgənin coğrafi şəraitinə bələd olanlar yaxşı bilir.

O vaxt Əkbər Hacıyevin bu bəyanatı Gədəbəy rayon rəhbərliyində də narahatlıq yaratmışdı və SOCAR prezidenti Rövnəq Abdullayevə rəsmi məktub göndərilərək məsələyə izahat verilməsi istənilmişdi.

Mənbə: AzərTAc
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *