Aygün Kazımova ərə getməyindən danışdı

Ötən günlərdə Nabranda konsert proqramı ilə çıxış edən xalq artisti Aygün Kazımova maraqlı açıqlamalar verib.

ANS PRESS-in məlumatına görə, səhnə geyimindən danışan sənətçi ən halal peşənin müğənnilik olduğunu və alın təri ilə pul qazandıqlarını deyib. Bundan əlavə olaraq xalq artisti onun adından istifadə edib, gündəmə gəlmək istəyənlərin də cavabını verib:

“Hər kəs məni yaxşı tanıyır. Bilirsiniz ki, əhvalım pis olanda yalandan gülə bilmirəm, dərdimi açıq deyirəm. Həyatımın ən acı günlərini də tamaşaçılarımla bölüşmüşəm. Nə baş verirsə, danışıram. Saxlaya bilmirəm. Kənardan yalan eşitməkdənsə, elə özüm düzünü deyirəm”.

Xalq artisti Türkiyədə gizlicə ailə qurması ilə əlaqəli olaraq cəmiyyət arasında gəzən şayiələrə də son qoyub: “Mən ailə qursam, sizin xəbəriniz olmaz? Yalan söhbətdir, elə bir şey yoxdur”.