Aygün Kazımovanın ölkədən çıxışına qadağa qoyuldu

Aygün Kazımovanın ölkədən çıxışına qadağa qoyulub.

AzNews.info xəbər verir ki, bu haqda “Qafqazinfo”ya müğənni Natavan Həbibinin vəkili Fərid Həsənov məlumat verib.

O, bildirib ki, 01 oktyabr 2015 ci il tarixdə Nəsimi rayon İcra şöbəsinin təqdimatına baxan Nəsimi rayon məhkəməsi xalq artisti Aygün Kazımovanın ölkədən çıxışına qadağa qoyulması barədə qərar çıxarıb. Qərara əsasən Aygün Kazımova məhkəmə qətnaməsini qərəzli icra edib.

Həmin qətnaməyə görə, Aygün Kazımova Natavan Həbibidən üzr istəməli və yaydığı məlumatları təkzib etməli idi. Lakin o, qətnaməni icra etməkdən boyun qaçırır.

Vəkilin sözlərinə görə, hamı qanun və məhkəmə qarşısında bərabərdir, məhkəmə qətnaməsini icra etmək məcburidir. Odur ki, xalq artisti Aygün Kazımova Natavan Həbibidən üzr istəməsə və təkzib verməsə, ölkə hüdudlarını heç bir halda tərk edə bilməyəcək.