Universitet tələbəsi fahişəlik edərkən yaxalandı

Türkiyədə universitet tələbəsi fahişəlik edərkən yaxalanıb. ANS PRESS-in məlumatına görə, Adanadakı Çukurova universitetinin tələbəsi 42 yaşlı Nurgül birlikdə seks xidmət göstərdiyi iki qadınla birlikdə saxlanılıb.

Adana polisinə Mərkəz Seyhan rayonunda mənzillərdən birində əxlaqsızlıq yuvası təşkil edildiyi barədə məlumat daxil olur. Polisin Əxlaq bürosunun əməkdaşları məlumatın izi ilə əməliyyata başlayırlar.

Müştəri qismində hərəkətə keçən dəstə, qondarma adı Gül adı istifadə edən Nurgüllə telefon vasitəsilə əlaqə quraraq birlikdə olmaq istədiklərini bildirir. Qadın onlara daha iki rəfiqəsini gətirəcəyini deyir və 340 lirəyə razılaşırlar.

Əxlaq bürosunun əməkdaşları Nurgülün verdiyi ünvana gedir. Qrup əvvəlcə evini əxlaqsızlıq yuvaya çevirmiş 38 yaşlı Tülayı, sonra isə 31 yaşlı Aysellə Nurgülü saxlayır.

Aysel ifadəsi alındıqdan sonra sərbəst buraxılır. Universitet tələbəsi olduğu üzə çıxan Nurgül və Tülay isə fahişəlik, fahişəliyə vasitəçilik və yer təmin etmək cinayətləri ilə istintaqa cəlb edilirlər.